red peruana de literatura

pensamiento creativo

2 poemas en quechua de Chakuq Killinchu/Percy Borda Huyhua

La imagen puede contener: 1 persona, exterior

WILLKA AMARU
Musuq pacha awaq runa, paqarimun.
Kunan pacha awaq Willka, rikurimun.
Kay pacha mayllaq hamuchkan.
Ñanniykitam ukuy tulluykunawan awachkani, wawqillay
Amaru.
Quchakunatam puquchichkani ñawiykipa patanpi, mana
chakinaykipaq.
Mikuytam tarpuchkani sunquykipa hawanpi, mana
muchunaykipaq.
Wawqichallay, qatarimuy. Ñam imapas kusaña kachkan.
Wawqillay sunquytam convidasqayki, ñuqam sipiysisayki
awqakunata.
Tupac Amaru, wawqillay riqcharimuy.
Kay pacham nanachiwachkanña.
Willka Amaru, musuq runa
Willka Amaru, musuq wayra
Kay pachata yawarniykiwan pichaykuy

KAWSAY CHAKA

Kuyaywan Nancypaq
Sunquy yawarniywanmi quri llampu sunquypi
kuyasqayta qillqachkani.
Ñawiyki tikariptinmi sunqullaypas asirikun
Pirwayki asiriptinmi sunqullaypas llanllarin
Kuyay sisa warmichallay
Nonintakimpi Nancy
Kawsayniy sisarichiq, supay warmim kanki.
Qamwanmi kawsayniypas supayta tinkirinakun
Qamwanmi ukuypas akchirispan illarin
Qamllawanmi paqchi ñawiypas akchirin
Qamllawanmi kuyay uyaypas sisarin
Qamllawanmi sunquypas kancharin.

Deja un comentario

A %d blogueros les gusta esto: